شهرزاد

شهرزاد

مجموعة مواقع المرأة طبخ و عناية بالبشرة و الشعر و كل ما يهم المرأة .
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 *♥ ●•۰•نــــــور حياتــــــــــى*♥ ●•۰•*

اذهب الى الأسفل 
كاتب الموضوعرسالة
امسين
~المديرة~
~المديرة~
avatar

عدد المساهمات : 159
التقيم : 11640
الشكر : 11
تاريخ التسجيل : 06/08/2012
العمر : 18

مُساهمةموضوع: *♥ ●•۰•نــــــور حياتــــــــــى*♥ ●•۰•*   الإثنين أغسطس 20, 2012 11:34 am



بنات انا انهاردا جايبلكم قصه عجبتي اوووووي فحبيت اجبهالكوم


يااريت تعجبكم يا بنات





البارت الاول


على كلمات اغنية فايق ورايق لسامو زين


وده فايق ورايق لو كترت معاه بيضايق وان قصرت معاه مش طايق بالذمة اعمله ايه
وده عايش حياته زى ما اكون من ممتلكاته هو يدوب كانوا كام يوم فاتوا لما اتعرفت عليه
واتاريه فاكر انه هيبقى شارينى لو شاور يلاقينى هجرى جرى عليه
على ايه ياما قبله كتير قابلونى حاولوا ولا غلبونى مجتش يعنى عليه

وده ماشى بمزاجه صدق نفسه وعاجبه دماغه عايز الناس كلها تسمعله ومحدش مالى عنيه
ولا عاجب نافع صبرى عليه يبقى مفيش دافع اتعب نفسى مدام مش نافع طب لازمة كل ده ايه
وده فايق ورايق لو كترت معاه بيضايق وان قصرت معاه مش طايق بالذمة اعمله ايه
وده عايش حياته زى ما اكون من ممتلكاته هو يدوب كانوا كام يوم فاتوا لما اتعرفت عليه

وصوت الاغنية العالى الى يسمع بلد
ف احدى العمارات الموجودة بأحد شوارع الاسكندرية
وبالتحديد فى غرفة ما ..عمر بيجرى ع جهاز المشى بسرعة قصووى ..وصوت الاغنية عالى جدا وعامل مع عمر مزاج جامد طبعا ...

تدخل من الباب فتاة فى سن العشرينات وبصوت عالى نسبيا:جرا ايه يا سى عمر حد قالك اننا قاعدين ف قهوة
وطى الزفت دا شوية مش معقولة يابنى حرام عليك
الناس نايمــــــة

لا يهتم عمر باختة اللى بتتكلم ويتابع الجرى ع الجهاز بنفس السرعة

الفتاة:ييـــــــــــه انتا يا زفت..انا مش بكلمك
اقفل الزفت دا وخلص وروح كليتك ..مهى مش ناقصة ع الصبح

عمر:غاااادة ع اوضتك يا حجة كدا..كملى لبسك
يعنى هو كان حد اشتكالك من الصوت

غادة:طيب يا عمر ...يعنى لازم حد يشتكى ويقول
اوف حسبى الله ونعم الوكيل انا هروح اكمل لبسى بدل لما يجيلى شلل دلوقتى

عمر:طب اجرى بقا اصل مش هيبقا اى شلل
هيبقا شلل وكمان اطفال

غادة:ييييييييه انا ماشية

تخرج غادة من الغرفة وتذهب الى غرفتها لتكمل لبسها بينما عمر يتابع الجرى ع الجهاز


عمر"شاب وسيم جدا ـــــــــــ ف السنة الرابعة كلية شرطة ... شقى وكول
شويتين بس محترم ..من عيلة محترمة جدا وباباه صاحب املاك..عايشين ف عمارة
ملكهم
هو الاخ الكبير لاخت واخ هنتعرف عليهم ..."


غادة:اخت عمرــــــــ بتحب عمر اوووى وهو كمان بيحبها جدا ـــــــ ف 3 هندسة
ــــ محجبة وجميلة ومحترمة جدا"

يقطع صوت الاغنية العالى وجرى عمر السريع الى لو كان استمر عليه اكتر من كدا كان هيموت فيها صوت والدتة العالى

والدتة(نرمين):ياعمممممر

طبعا عمر مش سامع

والدتة بصوت اعلى:يا عمـــــــــــــر

عمر بصوت عالى:نعم يا ماما..عايزة حاجة ولا ايه؟

والدتة:روح يا واد رد ع التلفون بيرن بقالة ساعة وانا ايدى مش فاضية

يوقف عمر الجهاز وينزل ويوطى الكاسيت
ويروح يرد ع التلفونـ وـــــــــــــــــــ


بينما ف العمارة المقابلة لعمارة عمر واهلة
وبالتحديد ف الغرفة المواجهة لغرفة عمر

تتقلب نور ف السرير وتحط المخدة ع دماغها كذا مرة من الصوت العالى وبعدين تقوم تقعد ع السرير وتحط ايديها تحت خدها

نور:لا حول ولا قوة الا بالله العلى العظيم
ايه دا ياربى الناس دى؟؟ف كدا ف الدنيا
ماشى يا غادة بس لما اشوفكـ

وتقوم نور من ع السرير وتطلع من اوضتها

نور:صباح الخير يا ماما


الام(ليلى):صباح النور يا قمر...


تدخل نور الحمام تتوضا ثم تخرج وتصلى ثم تذهب لتفطر مع اخواتها ووالدها ووالدتها


ــــــــــــــــــ:نور..صباح الفل

تبتسم نور ثم تجلس:صباح الخير يا خالد...فين كنزى؟؟

تخرج كنزى من المطبخ ببعض الاطباق ثم تجلس:انا هنا اهون..صباح الخير

نور:صباح الخير يا قمر


نور"فتاة ف العشرينات من عمرها...ف 3 صيدلية
جمالها ملاكى...يحبها كل من يراها ــــــــ محجبة ومحترمة وذكية جدا ومن عائلة محافظة جدا جدا ـــــــــــــ والدها رجل اعمال مشهور
والعمارة ملكهم ...عائلة نور وعائلة عمر اصدقاء "

خالد"الاخ الاكبر لنور ...شاب طموح وذكى ووسيم ايضا فى السنة السادسة كلية
طب ..لم يسبق له الارتباط نهائيا...يجرى البحث له عن عروســة تنال رضاه"


كنزى"الاخت الصغرى لنور وخالد ف الصف الاول الثانوى...مطرقعة شويتين غير
طبع نور وخالد الهادىء ودا طبعا جعل للمنزل حس من الفكاهة والمرح
والشقاوة(اخر العنقود بقا) مش محجبة "

تفطر نور مع اسرتها ثم تذهب لتتصل بغادة

نور(محدش بيرد ليه؟؟ما الاغانى كانت هتخرم ودنى
زى العادة ـــــــــ ولا انا بيتهيألى ولا ايه)


ويقطع حبل تفكيرها صوت احدهم وــــــــــــ

راح عمر وقف قدام التلفون خمس دقايق
وبعدين زهق وقال يرد بقا وامره لله؟؟

عمر:اهلا بيكم وحلقة جديدة من برنامجكم مايطلبه المتصلون...ومعانا تلفون ونقول ألوـــــــــ

نور(ايه الهبل دا؟؟):الو السلامـ عليكمـ

عمر (يالهوى ايه الرقة دى..(طبعا لا رقة ولا حاجة لان طبيعة صوت نور هادىء ورقيق):الو وعليكم السلام ... نتعرف بيكى؟؟


نور(هو هيصاحبنى؟؟)تتكلم نور متاجهلة كلام عمر:غادة موجودة؟؟

عمر بهبل:آه موجودة ومعاها جبنة اسطنبولى وزتونتين
هدية مجانية يعنى لو حابة تفطرى ولا حاجة

نور(!!!ههههههه خفة) وبتجاهل:ممكن اكلمها؟؟

عمر:بس بردوا متعرفناش يـا

تقطعه مشهد غادة وهى تخطف منة السماعة بغضب

غادة:ياباى عليكـــ غور يا واد فضحتنى قدام صحباتى..
الو يا نور ـــــــ معلش اخويا بيحب يرخم

نور:هههههه لا محلصش حاجة ـــــــ بقولك مش كل يوم الدوشة الى ع الصبح يابنتى حرام عليكوا

غادة:معلش يا نور والله دا اخويا منه لله
هههههههههههه

نور:ها؟؟طب مش كل يوم بقا
انا مبعرفش اناااااااام

غادة بشر:خلاص هقولة يبطل العادة البايخة دى

نور:طيبـ هروح البس انا علشان متأخرش

غادة:اوك يا نورــــــ عايزة حاجة؟

نور:عايزة سلامتك..سلام

غادة:سلام

تروح نور تلبس وتبقى قمر 14 وطبعا متحطش اى نوع من انواع المكياج او حتا خفيف
وتطلع من الاوضة علشان تمشى

الام:ايه القمر دا؟؟هتتحسدى النهاردة

تبوس نور ايد مامتها:ههههه قمر ايه بس يا ماما دلوقتى ــــــ ادعيلى

الام:ربنا يوقفلك ولاد الحلال يا بنتى ــــــ

يطلع خالد من الاوضة وريحة البرفان جايبة اخر الشارع

خالد:وانا مليش دعوة حلوة انا كمان ولا ايه؟
الام:ربنا يوقفلكوا ولاد الحلال يا رب

خالد/نور:آمين

تنزل نور وتركب عربيتها وتروح الكلية

عند عمر

عمر:الا يا دودو مين نور دى؟

غادة:ملكش دعوةـــــــ
وانجز علشان تروح كليتك

عمر:ماشى يا دودو....لكل يوم ظالم يا مفترية
مش راضية تقوليلى ماشى ماشى

غادة تجرى وراه يقوم داخل اوضتة بسرعة تقوم غادة مدية للباب ضهرها وماشية خطوتين وتقول

غادة:ناس مبتجيش غير بالعين الرصاصى
تلاقى خبط فيها من ورا تبص تلاقيه شبشب وتلاقى عمر واقف ومطلع لسانة

عمر:اسمها العين الزرقة يا فاشلة

ويقوم داخل بسرعة وقافل الباب
ويضحكـــــــ

غادة:ههههههههه مجنون

يطلع شاب شكله معقد حبتين

غادة:صباح الفل يا كيمو...مالك متنح ع الصبح كدا ليه
احنا حتا اول يوم دراسة وبعدين افرد وشك يا سوسة
دانت جايب 99% اومال لو كنت معدى بالعافية كنت عملت ايه؟

يضربها كريم بايده بخفة:كفاية اهو القر دا الى جايبنا لورا

غادة:ههههههه لا قر ولا حاجة ياخويا
هخلع انا بقا والحق كليتى
سلام

كريم:يكون احسن

غادة:ماشى يا كيمو
حسابنا بعدين

كريم"الاخ
الاصغر لعمر وغادة...اينعم معقد شويتين بس طيب وبيحب اخواتة اووى ...طبعا
زى معرفنا سوسة ودحيح كتب ..نسيت اهم حاجة انه قمر
والبنات كلهم بيحاولوا يعملوا العجب عشانة بس هو
مكبر ..ف 3 ثانوووى(ادعولة ربنا يحمية من قر الناس والحسد)


ينزل كريم بعد غادة وبعدين ينزل عمر ويروح كليتة

توصلـ نور الكلية وتركن عربيتها فى الجراج
وبعدين تروح الجامعة و تروح تشوف جدول محاضرتها
وبعدين تنقلة وهى ماشية باصة ف الجدول
تخبط فـ حد

نورمن غير انتباه للشخص:متأسفة جدااا..عن اذنك

وتيجى تمشى تلاقى الحد دا مسكها من معصمها تبص بقوة ممزوج بخوف وـــــــــــــــــــــ



يالا يا بنات قوولوه رايكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shahrazad.ahladalil.com
 
*♥ ●•۰•نــــــور حياتــــــــــى*♥ ●•۰•*
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شهرزاد :: قصص وروايات-
انتقل الى: